Ontmoet nog Lindes

Maak kennis met Pierre en Stephanie Linde van Pretoria, Frankforters uit die Vrystaatse Lindes. Pierre is (2021) finansiële adviseur by Liberty en Stephanie is verpleegkundige, tuisteskepper en kenner van binnenshuise versiering. By hulle is hulle dogter Elke, kleuteronderwyseres in Pretoria en seun Erik, wat regte aan UP studeer. Voorslag-gesin in die hoofstad!

 

Jurie en Gladys Linde van Bloemfontein (regs op die foto) by hulle dogter Karin en skoonseun, Pieter van der Westhuizen en kleinkinders, Nikita en Ryan. Jurie bedryf Linde Finansiële Beplanners saam met sy broer Koos, en Gladys werk in die eiendomsmark.

Die kuns van Righard Linde en Ingrid Bredell

Righard Linde, Frankforter van die Vrystaatse Lindes, het groot naam gemaak as ‘n liriese tenoor. Hy word deur sy vrou Ingrid Bredell (saam met hom op die foto) begelei. Saam vorm hulle ‘n formidabele span. Righard het die Johann Botha-Musiekprys en die Mimi Coertze-Prys vir sy sang ontvang. Hy was operasionele bestuurder van die Brooklyn-Teater in Pretoria en woon tans in Tzaneen. Soos ander musici het hulle in die Covid-tyd dit moeilik gevind om hulle kuns te beoefen. Die Lindes kan hulle gerus ondersteun deur na hulle musiek oor die internet te luister. Besonderhede kan op sy Facebook-blad verkry word.

Linde-register:

Daar is baie inligting wat onvolledig is in die register. Soek asb jou gesin se besonderhede en stuur die ontbrekende inligting aan inligting@lindebond.co.za.

Daar is twee opsies om jou besonderhede te soek in die Linde-register:

Opsie 1: Klik op “Linde-register” op die menu. Daar sal jy instruksies kry vir jou soektog.

Opsie 2: Klik op die groen teks regs bo-aan die webwerf om die register in pdf-formaat op jou rekenaar af te laai.

BAIE DANKIE aan almal wat die afgelope tyd julle inligting aangestuur het! Die nuutste weergawe van die register is nou beskikbaar. Laai dit gerus af.