September 1995

Fees 7: 22 tot 24 September 1995 te Mount Amanzi

1. Streekfees naby Hartbeespoortdam

Ds Kobie Linde en sy vrou Engela het die leiding geneem om hierdie fees te reël. Hulle is bygestaan deur hulle kinders, veral Nap en Louise Mayer, en deur Sunette Botha en Elsabe Kromhout.

2. Program

VRYDAG, 22 SEPTEMBER 1995

14:00   Aankoms en aanmelding

18:00   Eie aandete

19:00   Kennis maak en kuier

SATERDAG, 23 SEPTEMBER 1995

09:00   Eie ontbyt

10:00   Besoek aan De Wildt-jagluiperdplaas

13:00   Eie middagete

16:00   Amptelike byeenkoms (Linde-vergadering)

18:00   Skaapbraai, kuier en dans

SONDAG, 24 SEPTEMBER 1995

09:00   Eie ontbyt

10:00   Erediens

12:00   Buffet-ete

3. Kenmerke van die fees

Bywoning: Die register is deur 90 mense geteken, maar daar was minstens 14 besoekers wat bygetel moet word. Albei hooftakke van die Lindes was verteenwoordig, maar die Vrystaters was in die meerderheid.

Rustige atmosfeer: Daar was min georganiseerde aktiwiteite. Dit het aan die fees ’n rustige karakter gegee met baie tyd vir kuier en ontspan.

Oorkonde: Omdat Manie Linde, die organiseerder van die vorige fees, ongesteld was en nie die fees kon bywoon soos hy beplan het nie, is die oorkonde Saterdagaand deur Annatjie Fourie aan ds Kobie Linde oorhandig.

Linde-sake: Dr Hannes Linde, voorsitter van die Lindebond, het op sy kenmerkende en kundige manier ’n uiteensetting van die geskiedenis van die familie en die sake van die Lindebond gegee en almal gehelp om hulle plek in die familie-register te vind.

Laat 'n boodskap

Jou e-posadres sal nie gepubliseer word nie. Verpligte velde word met * aangedui

four × four =